Footer

2 motorsiklo, naikras, 4 nadundunor

SAN VICENTE, Ilocos Sur – Uppat a lalaki ti nadundunor gapu iti aksidente a napasamak iti Barangay Bayubay ditoy nga ili idi agarup alas 9:00 ti rabii ti Agosto 3.

Naitaray iti ospital dagiti drayber dagiti motorsiklo agraman dagiti inlubbonda iti Metro Vigan Cooperative Hospital tapno maagasan dagiti dunorda.

Segun iti report, agpadaya a direksion ti Honda Wave a minaneho ni Jose Ridulme y Lazo, 57, naasawaan, karpintero ken residente iti Barangay Poblacion ken nakisakayan ni Eduardo Giron y Rodillas, 38, balo, mannalon ken residente iti Barangay Pudoc, ditoy met laeng nga ili ngem mapapati a kimmaut iti liniana ti napakaskas a nakasinnabatda a Mio Soul a minaneho ni Joel Riginald y Sales, 19, agbasbasa iti kolehio ken residente iti Gomez St., Vigan City ken ti back rider a ni John Bryan Corpuz y Pascua, 23, baro, estudiante, ken residente iti Barangay Banaoang, Santa, Ilocos Sur ket nasapgidna ti manibela ti immuna a puon ti nakaikrasanda.#