Footer

4,000 mannalon, nawarasan hybrid seeds

CABUGAO, Ilocos Sur – Nasurok nga uppat a ribu a mannalon ti winarasan ti gobierno munisipal iti hybrid seeds kas paset ti programa ni Mayor Edgar Cobangbang a mangpadur-as iti agrikultura ditoy nga ili.

Segun iti opisina ti municipal agriculture ditoy, agdagup iti 4,026 dagiti mannalon ti naikkan iti libre a hybrid seeds ket mismo nga isuda ti immawat kalpasan nga impakitada ti IDda a mangpaneknek nga agtaltalonda.

Segun iti maysa a mannalon, maragsakan iti naited a libre a hybrid seeds ket nupay adda ladladaw ti pannakaibunongna, aramatenna daytoy iti sumaruno a cropping.#

Comments are closed.