Footer

Agpension a senior citizens, nanayonan

CAOAYAN, Ilocos Sur – Nanayonan ti bilang dagiti indigent a senior citizens ditoy nga agpension iti babaen ti Social Pension, nakuna ti maysa a konsehal ditoy nga ili.

Kinuna ni Konsehal Anthony Berzola, chairman ti committee on social welfare, a nanayonan dagiti agpension babaen ti Social Pension iti 27 nga indigent a  senior citizens nga agtawen iti 77 ken agpangato ket immawat dagitoy iti sag-P3,000 agsipud ta nairaman ti pensionda para iti 1st quarter nupay nairamanda nga agpension laeng iti 2nd quarter.

Agdagup itan iti 51 amin dagiti senior citizens ditoy nga ili nga agpension iti babaen ti Social Pension ti national government.#