Footer

Ambassador, padayawan dagiti taga-Sinait iti Hawaii

HAWAII – Padayawan ti dua a gunglo dagiti Ilokano a taga-Sinait ti kailianda nga ambassador inton Agosto 8 iti maysa a nalatak a panganan ditoy.

Padayawan ti Annak ti Sinait iti Hawaii ken Sinait National High School Alumni Association of Hawaii nga idauluan da Antonio Ipalari ken Davelyn Ancheta Quijano ni Ambassador Jesus I. Yabes babaen ti maysa a simple a programa a maangay iti Hawaii Prince Golf Club, Bird of Paradise Restaurant iti Ewa Beach iti nadakamat nga aldaw.

Mapadayawanto pay iti nasao a pasken dagiti dua nga annak ti Sinait a pakaibilangan da Herminia Iloreta Gaspar, kas Outstanding Nurse of the  Year babaen ti Healthcare Association of Hawaii ken Hawaii Medical Center, ken Danny F. Agsalog, kas government appointee, Director of Finance, Maui County, kas government appointee ni Maui Mayor Alan Arakawa.

Agdama nga ambassador ni Yabes iti Islamabad, Pakistan, Afghanistan ken kaparangetna a rehion ti Kyrgyzstan, Kasakhstan, Tajikistan.# 

Comments are closed.