Footer

Baro, nagpaputok, naaresto

NARVACAN, Ilocos Sur – Nayendorso ti kaso nga alarm and scandal maikontra ti maysa a baro gapu iti panagpaputokna idi aldaw ti Agosto 7.

Maysa nga inquest resolution ti inyisio ni provincial prosecutor Jessica Viloria a nangiyendorsoanna iti MTCC, Narvacan ti kaso nga alarm and scandal maikontra ken ni Larren Cabanit y Cabico, 31, baro, ken residente iti Sitio Nagsabaran, Barangay Cagayungan, Narvacan.

Nagresponde dagiti polis iti nadakamat a sitio kalpasan a nakaawatda iti tawag manipud iti selpon mainaig iti panagpaputok ni Cabanit idi agarup alas 10:30 ti aldaw ti Agosto 7.

Kinumpiska pay dagiti polis ti cal. 22 magnum revolver a paltog ti suspek nga addaan iti pito a kapsula ken 11 a bala.#

Comments are closed.