Footer

Opisial ti CSC, binisitada dagiti iskolarda

CANDON CITY – Dua nga opisial ti Candonians of Southern California ti bimmisita iti North Luzon Philippine State College idi Agosto 9.

Kangrunaan a binisita dagiti agassawa a Rudy Briones ken Tess Briones dagiti iskolar ti gunglo a pagbasbasaenda iti nasao a kolehio tapno ammuenda ti kasasaad dagitoy.

“Kayatmi a makapatpatang ida tapno maammuanmi no kasano a nakatulong kadakuada ti programami,” kinuna ni Briones.

Walo ti iskolar ti CSC nga ipapaayanda iti sag-P1,500 monthly allowance.

Kinuna met ni Mrs. Briones a malaksid iti scholarship, adda pay programada nga Adopt-A-School a tultulonganda para iti pannakaidur-as iti edukasion.#