Footer

Inhiniero, nakoriente, natay

BURGOS, Ilocos Sur – Nakoriente ti maysa nga inhiniero bayat ti panangtarimaanda iti bomba ti danum iti likud ti balayda a puon ti nakatayanna.

Nainaganan ti biktima a ni Godofredo Buquing y Reynate, 56, naasawaan, municipal engineer ditoy nga ili.

Naammuan iti report manipud iti polis ditoy a tartarimaanen ni Buquing, kaduana dagiti annakna a da Harold ken Jim Benedict, ti electric pump a naikabit iti likudan ti balayda idi mapapati a nakaiggem iti live wire a puon ti nakakorienteanna.

Naitaray ti biktima iti Reyes Clinic and Hospital iti Sta. Maria, Ilocos Sur ngem indeklara ti doktor a nangtaming kenkuana nga awanen ti biagna.#

Comments are closed.