Footer

Naikali nga eksplosibo, dokumento, nasukalan iti kabakiran

GALIMUYOD, Ilocos Sur – Sumagmamano nga explosives ken dokumento ti nasukalan dagiti operatiba iti kabakiran ti Barangay San Vicente ditoy nga ili idi malem ti Agosto 26.

Nangisayangkat iti operasion iti nasao a lugar dagiti nagtipon nga elemento ti Galimuyod police station, kadduada da 1st LT Valenzuela, CO ti Alpha Coy, 3ID, 7ID ken Capt. Mancaya, S2, 50ID, operatiba ti 73rd MICO ken MIG 1 kalpasan a nakaawatda iti tip manipud ken ni CPL Jonathan Dalimeg, dati a CAFGU a naka-assigned iti PA detachment iti Barangay Bitong, Galimuyod.

Nakarekobre dagiti bunggoy iti innem nga Anti-Personnel mines, 2 nga anti-tank mines ken assorted a nagduduma a subersibo a dokumento a naikabil iti dua a plastic containers a naikali iti sumurok-kumurang a maysa a kadapan ti kaunegna.

Adda itan dagiti nasao nga eksplosibo ken dokumento iti ikut ti 3IB 7ID Phil. Army.#

Comments are closed.