Footer

Sangaili, narabsutan iti kamera

VIGAN CITY – Posible a saanton nga agsubli pay daytoy a turista agraman pamiliana kalpasan ti dakes a padasda iti kaaddada ditoy siudad itay nabiit.

Nagreport iti polis ni Hope Namuca y Ramos, naasawaan, residente iti Marikina City nga intaray ti mannibrong ti kamerana a digicam bayat ti panagretratoda a sangapamilia iti Heritage Village idi rabii ti Agosto 28.

Kinuna ti biktima nga idi agarup alas 11:30 iti rabii ti nadakamat nga aldaw, madama ti panagretratoda ken ti pamiliana iti Crisologo Street, Barangay I, idi kellaat nga immasideg ti maysa a nakaabungot a lalaki a nagaruat iti nangisit a diaket a naglugan iti puraw a MIO sana rinabsut ti kamerana ken nagpataray a nagpadaya.

Nagsawar dagiti nagresponde a polis ngem didan nasapulan ti suspek.#

Comments are closed.