Footer

2 nga opisina, umakar iti daan a justic hall

CABUGAO, Ilocos Sur – Dua nga ahensia ti manamnama nga umakar iti opisinada tapno nawaywaya ti panangipaayda iti serbisio kadagiti umili ditoy nga ili.

Naammuan manipud ken ni Mayor Edgar Cobangbang nga umakar ti Municipal Agriculture Office ken ti Public Attorney’s Office iti pasdek a dati nga inukopar ti regional trial court ken ti municipal trial court apaman a mapasimpa dagitoy ken mainstolaran ti elektrisidad.

Immalisen dagiti taga-Regional Trial Court ken Municipal Trial Court nga idadauluan da Cabugao RTC Branch 24 Judge Nida B. Alejandro ken MTC Judge Mario Domingo iti baro a pasdek a naipatakder iti sanguanan met laeng ti daan a justice hall.

Nainagunararan ti baro a justice hall idi Agosto 23 babaen kada Gov. Luis “Chavit” Singson, Vice Gov. Deogracias Victor Savellano, Cong. Ryan Luis Singson ken Mayor Edgardo Cobangbang.#