Footer

Nakumpiskar a karne ti aso, pinuoran dagiti polis

PUGO, La Union – Pinuoran dagiti autoridad ti mapattapatta a 640 kilos a karne ti aso a kinumpiskada manipud iti maysa a negosiante iti checkpoint ditoy nga ili idi Septiembre 6.

Kinasuan metten dagiti polis ni Anson Cayat, residente iti La Trinidad, Benguet iti panaglabsing iti Republic Act 8485 wenno Animal Welfare Act.

Sinaksian dagiti lokal nga opisial ditoy ken dagiti taga-Department of Agriculture ti pannakapuor dagiti karne tapno masigurado a saanen a mapagnumaran pay.

Nasamsam dagiti polis dagiti karne ti aso a nailugan iti maysa a van iti checkpoint ditoy nga ili.

Mapapati a naggapu dagiti aso iti Calabarzon sada naparti iti maysa nga ili iti Pangasinan ket naibiaheda a mailako kadagiti restaurant iti Baguio City. #

 

Comments are closed.