Footer

Pick-up nakadungpar iti tricycle

SINAIT, Ilocos Sur – Natay ti maysa a tricycle driver gapu iti panangdungpar ti maysa a pick-up iti luganna idi sardam ti Septiembre 4 iti national highway ti Barangay Curtin, ditoy nga ili.

Simmuko iti Sinait police station ni Jaylon Suero y Castillo, 30, ken residente iti Barangay Quezon, Cabugao, Iloos Sur kalpasan ti aksidente.

Iti inisial nga inbestigasion dagiti polis, agsarsaruno ti Isuzu Fuego pick-up a minaneho ni Suero ken ti L2 Yamaha service tricycle a minaneho ni Aquillo Cabrera y Tuyay, 52, naasawaan, ken residente iti Barangay Curtin, ditoy nga ili ket iti nadakamat a lugar, aksidente a nadungpar ti pick-up ti traysikel a nagsagrapan ni Cabrera kadagiti nakaro a sugatna a nakatayanna a dagus.#