Footer

Rambol iti videoke bar, nagtungpal iti pammagkong

VIGAN CITY – Nabagkong ti maysa a baro a nagramut iti panagriringgor ti grupona ken sabali a grupo bayat ti panaggiinomda iti maysa a bar iti Barangay Jose Singson St., ditoy siudad idi parbangon ti Septiembre 3.

Naitaray iti ospital ni Felipe Poca y Bajet, 20, baro, taga-Poblacion West, Bangued, Abra ngem agdama nga agnaed iti Barangay Ayusan Norte ditoy siudad gapu iti sugatna iti tian.

Naammuan iti inbestigasion dagiti nagresponde a polis a bayat ti panagiinom da Poca ken kakaduana iti Marble’s Videoke and Restaurant iti Barangay VIII, nakaririda ti sabali a grupo a pakaibilangan da Jaydee Paa y Quines, 23, baro; Marlon Rivera y Roma, 20, baro, ken Reynaldo Velasco y Paa, 24, baro, agpapada a residente iti Barangay San Julian Sur, Vigan City.

Nagtataray ti grupo ni Poca ngem kimmamat da Paa ken Velasco a nakalugan iti motorsiklo ket naipiskotda ni Poca iti sango ti Petron Gas Station.

Mapapati a dimsaag ni Paa sana binagsol iti naminsan a daras ni Poca.

Nangiwayat dagiti polis iti follow-up operation ket inarestoda dagiti suspek.#

 

Comments are closed.