Footer

Timpaw a bangkay iti karayan, nabigbigen

SANTA, Ilocos Sur – Nabigbigen ti bangkay ti lalaki a nasarakan a tumtumpaw iti karayan a sakup ti Barangay Nagpanaoan ditoy nga ili idi Septiembre 2.

Binigbig ni Bernadette Alacar y Barbosa,  kabsat ti biktima ken residente iti Barangay Dalaguisen, La Paz, Abra ti bangkay a ni Domingo Barbosa y Tugade, 59, naasawaan.

Imparang pay ni Alacar ti birth certificate ti biktima kas pammaneknek ti kinasiasino daytoy.

Kabayatanna, iti malem ti Septiembre 2, maysa a report ti naawat ti police station ti Burgos mainaig iti nasarakan nga agrupsan a bangkay iti karayan iti Sitio Padayao, Barangay Dirdirig, Burgos, Ilocos Sur.

Binigbig dagiti kakabagian ti biktima a ni Roger Morqued y Libed, 39, naasawaan ken residente ti Barangay Kalumsing, San Emilio, Ilocos Sur.

Naireport a mapukpukaw ni Morqued manipud pay idi Agosto 27 a mapapati a naiya-nud idi bimmallasiw iti karayan bayat ti iduduprak ni Bagyo Mina.

Sabali pay a lalaki ti naireport idi Septiembre 3 a nalmes iti karayan Abra a sakup ti Ba-rangay Patungcaleo, Quirino, Ilocos Sur.

Nainaganan ti biktima a ni Douglas Diaz y Desa, 22, baro, ken residente iti nadakamat a barangay.

Mapapati a naiyanud ni Diaz i idi bimmallasiw iti karayan tapno bisitaenna ti talonna.

Nasarakan ti bangkay ni Diaz iti Sitio Dilong, barangay Malideg iti isu met laeng nga ili.#