Footer

5 polis, nabigbig kas Model PNP Family

SALCEDO, Ilocos Sur – Lima a kameng ti PNP ditoy probinsia ti pinadayawan ti Provincial Peace and Order Council bayat ti “Kakailian nga Agnaed iti Probinsia ti Ilocos Sur Idanonmi ti Tulong ken serbisio, aniaman nga Oras dita Lugaryo” (KAPITOL) Outreach Program a naisayangkat ditoy nga ili idi Septiembre 14.

Immawat iti plake iti pammigbig manipud iti PPOC da P/Supt. Marlou Castillo, SPO4 Gerardo Gil Sibayen, SPO4 Elmer Jaramel, SPO4 Victorio Ramolete ken SPO4 Rogelio Davalos gapu iti pannakapilida a Model PNP Family.

Napili met laeng kas Model PNP Family iti Rehion 1 ni Davalos ken maysa kadagiti mapagpilpilian a mangabak iti national level ti pasalip.#