Footer

Aggaama, nainbolbar iti pammagsol

STA. CRUZ, Ilocos Sur – Riri dagiti annak ngem rimmaman ti ama ket binagsolna ti nakariri dagiti annakna.

Binagsol ni Roberto Dictaan, 51, naasawaan, ken residente iti Barangay Amarao, ditoy nga ili ni Clarence Cariño y Abordo, 28, naasawaan ken residente iti Barangay San Pedro ditoy met laeng nga ili idi naammuanna a kinaringgor daytoy dagiti annakna idi rabii ti Oktubre 18.

Segun iti report, nagrarambol ti grupo ti biktima ken ti grupo ni Cariño ken dagiti agkabsat a Rainer ken Clark Dictaan iti maysa a pabuniag ngem nagsisinnurotda met laeng.

Naggawid dagiti agkabsat ngem nagsublida a nakalugan iti motorsiklo agraman ti amada a ni Roberto ket idi nasalamaanda iti dalan ti biktima ken ni Dennis Lamarca nga aggawiden iti agarup 10:45 iti dayta a rabii, dimsaag ti suspek ket binagsolna ti biktima sada naglibas iti saan nga ammo a direksion.

Naitaray ti biktima iti Candon City General Hospital para iti pannakaagas ti sugatna iti tian.#

Comments are closed.