Footer

Ama, kinettelna ti biagna

VIGAN CITY – Mapapati a problema ti salun-at ti nangkettelan ti maysa a residente iti San Julian Norte ditoy a siudad iti biagna.

Saanen a naidanon a sibibiag pay iti ospital ni Winston Quindipan y Afroilan, 41, naasawaan, ken residente iti nadakamat a barangay gapu iti mapapati a panangbagsolna iti tianna.

Naammuan iti report a pinanawan biit ni Mia Quindipan y Torres, asawa ni Winston, ti lakayna tapno ipanna dagiti aruaten ti lakayna iti traysikel a paglugananda a mapan iti ospital.

Idi agsubli ni Mia, impadamag ti anakna a ni Shane, 5, nga innala ni lakayna ti kutsilio sa simrek iti comfort room.

Nadatngan ni Mia a daradara ni lakayna iti comfort room, nakapalok ti kutsilio iti tianna.

Intaray da Mia ti lakayna iti Lahoz Clinic and Hospital ngem indeklara ti doktor ditoy a DOA.#

Comments are closed.