Footer

Annual General Inspection ti PRO1 narugian

SAN FERNANDO CITY – Rinugian ti Police Regional Office 1 (PRO1) ti makalawas a 2011 Annual General Inspection – Operational Readiness Inspection Test and Evaluation (AGI-ORSITE) iti Region 1 idi Oktubre 17.

Inrusat ti PNP’s Internal Affairs Service (IAS), maysa a PNP-wide nga aktibidad ti AGI-ORSITE a maisayangkat iti tinawen kadagiti amin a police offices ken units tapno ma-assess ti kinasagana ti operasion, marukod ti panangsurotda kadagiti PNP policies ken naituyang a linteg ken regulasion, ken ma-evaluate ti overall a kapabilidad ken kinaepektiboda.

Nagun-od ti PRO1 ti Best PRO Award idi 1997 iti babaen ni dati a regional director ken agdama a Governor ti Pangasinan Amado Espino, Jr.; idi 2000 iti babaen ni General Jose Ayap; nagsaganad idi 2006 ken 2007 iti babaen ni PCSupt. Leopoldo N. Bataoil, ken idi 2008 iti babaen ni PCSupt. Luizo C. Ticman.

Nagun-od pay ti PRO1 ti top rank idi 2010 AGI-ORSITE.#