Footer

2 babai, natiliw nga agipuslit iti tagilako

CANDON CITY – Natiliwan dagiti dua a babbai iti akto nga agipuslit iti tagilako manipud iti CSI ditoy siudad idi Nobiembre 22.

Nainaganan dagiti suspek a da Cherry Dela Cruz, 25,  residente iti Bakakeng Norte ken ni Nanneth Kidayam, 24,  residente iti Aurora Hill, Baguio City.

Segun iti report manipud iti polis ditoy, simrek dagiti dua iti CSI-Candon ket nagpammarangda a kustomer.

Nasiputan ti sales boy a ni Sammy Manibloc ti panagturong dagiti suspek iti likudan ti maysa a nakadispley a refrigerator iti Appliance Center nga adda awit ni Kidayam a berde a balde.

Iti mapan usisaen ni Manibloc ida, nakitana nga iyal-alis ni Dela Cruz dagiti tagilako manipud iti balde iti bagna.

Pinanggep dagiti dua ti aglibas ngem tiniliw ida ti sales boy ken guardia.

Karaman dagiti pinanggep dagiti suspek nga ipuslit dagiti nadumaduma a sabon, losion, deodorant ken dadduma pay a tagilako nga aggatad amin iti nasurok P10,000.00.#

Comments are closed.