Footer

2 mannalon, tinagbat ti nakainumanda

CANDON CITY – Dua a mannalon ti tinagbat ti kalugaranda a kaduada a naggiinom iti barangayda a Bugnay idi rabii ti Nobiembre 19.

Naitaray da Manuel Banagan y Layao, 40, baro, mannalon, ken ti kabsatna a ni Eduardo, 54, naasawaan, mannalon met laeng, iti Candon City General Hospital gapu kadagiti sugatda iti nadumaduma a paset ti bagida.

Boluntario a simmuko ti nangtagbat kadakuada a nainaganan Michael Aleman y Banagan, 33, baro, ken lumugar met laeng iti nadakamat a barangay.

Segun iti report, naggiinom dagiti agkabsat a Banagan ken ni Aleman, ken dua pay a kalugaranda iti dayaen a paset ti pagtaengan ti suspek idi nagsubang ti suspek ken dagiti agkabsat. Naggawid ti suspek a napan nangala iti buneng sana tinagtagbat dagiti biktima.

Saan a narekobre dagiti polis ti buneng a naaramat iti pannagbat.#