Footer

2 nakasuan iti illegal logging

STA. MARIA, Ilocos Sur – Dua a tao ti nakasuan gapu iti panagibiaheda kadagiti naragadi a kayo nga awanan iti kasapulan a dokumento itay nabiit.

Nakasuan  iti panaglabsing iti PD 705 wenno illegal logging da Melchor Castro y Domingo, 40, naasawaan, mannalon, ken residente iti Barangay Nanangduan, Pilar, Abra, ken Aurora Alconis y Domingo, iti Regional Trial Court Branch 23 iti Narvacan, Ilocos Sur.

Idi agarup alas 4:00 ti bigat ti Nobiembre 22, nakakumpisa dagiti polis ditoy iti 26 a naragadi a narra ken white lawan a kinarga ti Isuzu Elf a kukua ni Melchor Castro y Domingo, 40, naasawaan, mannalon ken residente iti Barangay Nanangduan, Pilar, Abra, ken minaneho ni Edgardo Castro y Ilagan, 30, naasawaan ken kalugaran met laeng ti akinkukua iti lugan.

Idi awan maipakita dagiti suspek a naan-anay a dokumento ti pannakaibiahe dagiti kayo, naikustodia ti lugan, agraman ti drayber ken dagiti naglugan a pakairamanan ni William Bobiles y Abijon, 39, naasawaan, residente met laeng iti nadakamat a barangay, ken Aurora Alconis y Soria, 64, balo, furniture owner, taga-Barangay Burgos, Cobarruguis, Quirino, ken agdama nga agnaed iti Barangay San Pablo, San Esteban, Ilocos Sur.

Nairekomenda ti sag-P24,000 a piansa dagiti nakasuan.#