Footer

2,573 examinees iti Baguio City, nakapasa iti LET

BAGUIO CITY – Agdagup iti 2,573 manipud iti 8,368 nga examinees ditoy siudad wenno 30.75% ti nakaruar iti Licensure Examination for Teachers a naangay idi Septiembre daytoy a tawen.

Siam a Baguio examinees ti limsot iti top ten iti eksamen para iti elementary idinto a maysa ti nairaman iti top ten iti para iti sekundaria.

Top ten kadagiti nakapasa para iti elementaria da MiaFrecelle Pascua Cadiz, Mariano Marcos State University, Laoag City (8th place -84%), Raphael Job Ramos Asuncion, Don Mariano Marcos Memorial State University, Agoo (9th – 83.80), Ryan Ginez dela Rosa, Golden West Colleges (9th – 83.80), Ellen Mae Tandico Lim, Colegio de Dagupan (9th – 83.80), Jasmine Palingpingan Linggayo, Saint Louis University (9th – 83.80), Zarigene Binlang Baguilat, Saint Mary’s University (10th – 83.60), Ofelia Aquino Bajarin, Tarlac College of Agriculture, 10th – 83.60), Fidel Anova Castro, Pangasinan State University, San Carlos City (10th – 83.60), ken Ruth Bingay Wakit, Benguet State University, La Trinidad (10th – 83.60).

Nagun-od met ni Ederlyn Marie Gatchalian Cortez ti Saint Louis University ti maika-7 a puesto babaen ti ratingna nga 86.20%.

Maangay ti oath-taking ceremony dagiti nakaruar nga examinees iti Easter College Gym inton Disiembre 12, alas 9:00 ti bigat.#

Comments are closed.