Footer

52 mannalon nagturpos iti Agri-Pinoy-FFS

CANDON CITY – Limapulo ket dua a mannalon a nagadal iti umno a teknolohia ti panagtalon ti nagturpos idi Nobiembre 24 sadiay ABC Session Hall ditoy siudad.

Karaman kadagiti nagturpos dagiti mannalon manipud iti Barangay San Agustin ken Bagani Campo a nagbasa iti 16 a lawas iti Agri Pinoy – FFS a nakaipangrunaan iti Palay Check System.

Bisita iti nasao a pasken ni Dr. Valentino Perdido, Regional Executive Director ti Department of Agriculture ken dagiti advisers ti nasao a departamento iti probinsia ken iti rehion.

Kinuna ni City Administrator Grace Singson a tinawen a maisaysayangkat daytoy a panagadal dagiti mannalon tapno dumakkel ti maapitda.

Innayon ni Singson nga adda ilatlatang ti city government a pondo para iti panagtalon.#