Footer

Kagawad, binagsolna ti kasugalna

SINAIT, Ilocos Sur – Saanka a makisugal a nakainom ta maisarsarakka laeng.

Pimmudno daytoy iti maysa a barangay kagawad agsipud ta posible a pakakasuan ken pakaikkatanna iti puestona ti panangbagsolna iti maysa a kasugalna iti natayan.

Segun iti report manipud iti police station ditoy, agsusugal iti baraha da Alfredo Melendres Jr. y Yadao, 48, naasawaan, barangay kagawad, ken residente iti Barangay Sabangan, Sinait, ken Aldie Yangin y Inay, 50, naasawaan, ken residente met laeng iti nadakamat a barangay idi naparnuay ti nabara a panagsubangda ket mapapati a dinarup ti suspek ti biktima sana binagbagsol iti sumagmamano a daras.

Naitaray ti biktima iti Corpuz Clinic tapno maagasan dagiti sugatna idinto a boluntario a simmuko ti suspek kadagiti nagresponde a polis.

Narekobre dagiti polis ti kitchen knife nga agatiddog iti 9 a pulgada.

Mapapati a nakainom ti suspek.#

Comments are closed.