Footer

2 natay iti panagdinnungpar ti motorsiklo, truck

SANTIAGO, Ilocos Sur – Dua a lalaki ti natay idi nakidinnungpar ti motorsikloda iti maysa 14 wheeler truck iti national highway ti Barangay Bigbiga ditoy nga ili idi rabii ti Nobiembre 26.

Saanen a naiyabot ti biag da Jackrien Garnace y Castro, 27, naasawaan ken ti inlubbonna a ni Jerweld Habab, 23, naasawaan, agpada a residente iti Barangay San Pablo, San Esteban, Ilocos Sur.

Saan a naan-ano ni Eusebio Castillo, Jr. y Diego, 29, naasawaan, drayber iti Izusu 14 wheeler truck ken residente iti Barangay 59-A Dibua South, Laoag City, ket boluntario a simmuko iti police station ditoy.

Segun iti panagimbestiga dagiti polis, agpaabagatan ti truck idinto nga agpaamianan ti motorsiklo idi nagdinnungparda iti kalsada a sakup ti Barangay Bigbiga a puon ti nakaulodan ti motorsiklo dagiti biktima iti sumagmamano a metro ken nagsagrapan dagitoy iti grabe a sugat iti ulo ken bagida.

Naitaray dagiti biktima iti Candon City Hospital ngem awanen ti biagda a naidanon iti balay-pagagasan.#

Comments are closed.