Footer

Babai, nasukalan nga agipuslit iti gatas

NARVACAN, Ilocos Sur – Maysa a baket ti nasukalan iti akto nga agipuslit iti tagilako manipud iti maysa a pagtagilakuan iti San Antonio ditoy nga ili idi Nobiembre 24.

Nainaganan ti suspek a ni Carol Gonzales, 57, residente iti San Carlos City, Pangasinan.

Naammuan manipud iti police blotter ditoy a simrek ni Gonzales iti Arky’s General Merchandise a masarakan iti Barangay San Antonio ket nagpammarang a kustomer.

Nangala ni Gonzales iti maysa a lata ti gatas nga  Ensure nga agpateg iti P1,676 ket inlipitna iti nagbaetan ti luppona sana ginandat nga ipuslit iti pagtagilakuan.

Ngem nagsuspetsa ti maysa nga empleado gapu iti mapapati a nainiin a pannagnana isu a sinitarda ken nakaduktalanda nga adda gatas a linipit daytoy.#

Comments are closed.