Footer

Feria de Candon, rinambakan ti siudad

CANDON CITY – Rinambakan daytoy siudad ti Feria de Candon, kas pananglagip iti Feria Exposicion 1892 ken panangrugi metten iti selebrasion ti Paskua 2011.

Tampok nga aktibidad ti pannakaidaton ti sabong iti rebulto ti Sakada, kas panangipaay iti respeto kadagiti sangapulo ket lima a kaunaan a sakada a naggapu iti Candon a napan nagtrabaho iti kaunasan idiay Hawaii.

Karaman kadagiti aktibidad ti pannakaiparada dagiti parol nga inaramid dagiti barbarangay, pannakalukat ti trade fair a nakailakuan kadagiti one town one product dagiti 24 nga ili ken siudad iti maikadua a distrito, Sakada Freedom Run 2011, musical concert, chefs on parade, cooking contest, electrical float parade, Christmas light competition, Ferialympics, ken dadduma pay.

Ti tema ita a tawen: “Dagiti Produktotayo, Intay Itandudo”#.