Footer

Fun run, naangay

SAN JUAN, Ilocos Sur – Aganay 500 a runners manipud iti Ilocos Sur ken Ilocos Norte ti nakipartisipar iti Maikadua a Pataray Barangay a naangay iti Barangay Labnig ditoy nga ili kas pangselebrar iti panagkasangay ni Vice Gov. Deogracias Victor Savellano idi Nobiembre 25.

Ni Jay Viloria manipud iti ili a Lidlidda a nangabak met laeng iti 1st Pataray Barang-ay ti immuna iti finish line. Naikkan iti consolation prizes amin a finishers.

Nagibunong pay ni Savellano iti regalona kadagiti institusion a pakaibilangan ti Balay Taripato iti Cabugao ken Magsingal, Stimulation and Therapeutic Activity Centers iti Cabugao, Sto. Domingo, Sta. Maria ken Candon City, Tahanang Walang Hagdan, ken provincial jail.

Sinelebraran pay ti Ilocos Sur Community College Demofarm Family Day daytoy nga aldaw babaen ti pay-ayam iti volleyball ken chess, pannakapadayaw kadagiti top ISCC demofarm students, cultural extravaganza ken Search for Ginoo at Binibining Barang-ay ti Ilocos Sur.#

Comments are closed.