Footer

Lalaki, nagkaritkarit ken nagpaputok

VIGAN CITY – Maysa a lalaki ti nagkaritkarit ken nagpaputok  iti Quezon Avenue ditoy siudad idi rabii ti Nobiembre 25 a nakapuntaan ti maysa nga ubing a babai ken nakayospitalanna.

Segun ken ni Stefania Alumisim y Caniete, ina ti biktima a ni Jenalyn Alumisim y Caniete, 12, nakaaruat ti suspek iti gray a bonnet, nangisit a tisirt, ken putot a pants nakalugan iti single motorcycle a Honda XRM a kolor asul nga awanan plate number.

Kinunana nga iti agarup alas 11:30 dayta a rabii, nagsardeng ti suspek iti Quezon Avenue ket nagkaritkarit sana inruar ti paltogna ket nagpaputok iti naminsan a nakatamaan ti makannigid nga ima ni Jenalyn nga agtaktakder iti sanguanan ti ruangan ti balay ti ulitegna.

Naglibas ti suspek kalpasan ti panagpaputokna idinto nga intarayda ni Jenalyn iti ospital.

Nangiwayat dagiti polis iti hot pursuit operation ngem saandan a nabirokan ti suspek.

Iti pannakaisurat daytoy, di pay nabigbig ti suspek.#

Comments are closed.