Footer

Nasugatan nga agila, impaima ti DZTP iti CENRO

CANDON CITY – Maysa nga addaan sugat nga agila ti impaima ti tallo a lalaki iti maysa a radio station ditoy tapno maagasan.

Mapapati a gapuanan ti paltog ti sugat ti agila nga agdagsen iti nasurok maysa a kilo iti barukongna.

Insigida met a tinawagan ti DZTP ti City Environment and Natural Resources Office para iti pannakataming ti sugat ti agila.

Kinuna ni Engineer Ismael Ganaban, CENRO Officer ditoy siudad, nga ipaagasda nga umuna ti sugat ti agila ket kalpasanna, maipan iti umno nga ahensia para iti naan-anay a pannakaaywanna.

Maysa ti agila kadagiti maibilang nga endangered species gapu ta bassiten ti bilangda.#

Comments are closed.