Footer

Panagminas, mangipaay kultural a dislokasion kadagiti katutubo (Maudi a paset)

Komentario ni Melvin Bandonil

 Ania ngarud ti ganaben ti pagilian kadaytoy a sistema ti panagminas?  Ti panangsukat ti RA 7942 iti makatao ken maka-kalikasan a linteg ti napanunot ni Sen. Loren Legarda, pangulo ti Senate Committee on Climate Change ken Committee on Cultural Communities, ket daytoy ti imbitla-impaganetgetna iti Luzon summit sadiay Teacher’s Camp, Baguio City a nagkunaanna,  “The law needs revisions so that issues on economic, social and environmental returns and safeguards will be addressed. We need to look if economic returns especially to indigenous peoples are fit vis-à-vis the environmental effects… We need also to look at the royalties derived from (mining operations). We must check the cost-benefit (of these).”

Inayonan met ni Ifugao Congressman Teddy Baguilat ti singasing ti senadora, ket kinunana: “In IP communities, mining operations have resulted in loss of livelihood, dislocation of settlements, weakening of social systems, and loss of ownership and control over land, among many other harmful effects…”

Kinuna pay ti diputado a “The Constitution recognizes the importance of indigenous communities. Not only are they an indispensable component of the country’s culture, they also hold a databank of traditional knowledge that can help solve global problems such as climate change. Their existence, therefore, cannot be sacrificed in the pretext of economic development…”

Kakaasi a maapektaran dagiti tribal ken IPs iti RA 7942. Isu nga impasigurado ti diputado nga agbuligda ken ti senadora iti panggep. Ket kunana: “To ensure the conservation and optimal use of mineral resources and respect and protect the rights of indigenous peoples is needed. The old (law) has proven to be insufficient in terms of protecting indigenous communities, so a new law must be instituted, one that will not sacrifice the rights and culture of IPs in exchange for a promise of economic gain.”

Iti biang met ti senadora, “Much is desired to ensure improved access to basic health services and education, sustainable development of ancestral lands and resources, economic empowerment, and development of traditional knowledge, skills and practices…”

Ti Republic Act 7942 wenno Philippine Mining Act of 1995 ti nangikalawa ti siguden a nalawa a ruangan ti panagminas iti pagilian. Babaen kadaytoy a linteg a pinirmaan ni nag-presidente Fidel V. Ramos idi Marso 6, 1995, immadu dagiti ganggannaet a naggagar nga agminas iti pagilian. Ti ngamin pagilian ti maikalima a kaaduan iti mineral deposits iti sangalubongan.

Adu met ti nagpinget a manglapped iti linteg. Nagbalin ti korte a kas sentro ti asunto. Indeklara ti Korte Suprema a nga unconstitutional ti RA 7942. Ngem idi 2004 a panawen ni nag-presidente Gloria Macapagal-Arroyo, saan a mailawlawag no apay a binaliktad ti Korte Suprema daytoy a pangngeddengna!

Ti pannakaamienda wenno pannakabalbaliw ti RA 7942 ti kasayaatan a diskurso a pagsasabatan ti amin tapno masolbar ti parikut.#

 

Comments are closed.