Footer

2 polis, nayospital gapu iti aksidente ti lugan

NARVACAN, Ilocos Sur – Dua a polis ti nayospital gapu iti pannakainbolbarda iti aksidente ti lugan iti Sitio Limmansangan, Barangay Margaay ditoy nga ili idi malem ti Enero 29.

Naitaray iti Central Ilocos Sur District Hospital da PO1 John Carlo Calima y Javillonar, 23, baro, PNP member nga agsansanay iti FTP iti police station ditoy, ken residente iti Barangay Sevilla, Sta. Cruz, Ilocos Sur ken iti inlubbonna iti motorsiklo a ni PO2 William Dayton Capina y Calautit, 33, naasawaan, nakadestino met laeng iti Narvacan police station.

Nupay kasta, rimmuar met laeng ni Calima iti ospital kalpasan ti pannakaagasna idinto a naireport a natalgeden ti kasasaad ni Capina iti Metro Vigan Cooperative hospital a nakaiyalisanna.

Segun iti report, agpaabagatan ti Suzuki Raider  a nagluganan dagiti polis ken ti Toyota Rav 4 a minaneho ni Rodrigo Torres y Zulueta, naasawaan, ken residente iti Barangay San Jose, Narvacan idi mapapati a dinungpar ti Toyota Rav 4 ti kutit ti motorsiklo a puon ti nakaikrasan dagiti biktima.#