Footer

6 polis, 3 stakeholders, napadayawan iti 21st PNP Foundation Anniversary

SAN FERNANDO CITY – Tallo nga opisial ken tallo a polis ti naikkan iti medalia bayat ti programa ti selebrasion ti Maika-21 a PNP Foundation Anniversary a naangay iti police regional office ditoy idi Enero 27.

Nasab-itan iti Medalya ng Kagitingan da SPO4 Gerardo J. Jugo, SPO1 Conrado O. Agtarap ken PO2 Augusto G. Dela Cruz gapu iti exemplary performance of duty bayat ti maysa nga engkuentro kadagiti masuspetsa a miembro ti robbery-hold-up gang a napasamak iti Barangay Lydia, Marcos, Ilocos Norte idi Hulio 3, 20011.

Naikkan pay iti plake ti pammigbig dagiti PNP personnel a pakairamanan da PCI Sover D.C. Gonting (Best Regional Legal Officer of the Year, National), ken PSSupt. Ferdinand O. Divina, hepe ti Regional Criminal Investigation and Detection Unit 1, (innovative solution of the unpaid electric bills of Ilocos Norte CIDT to Ilocos Norte Electric Cooperative, Inc.).

Naikkan met iti Medalya ng Kasanayan ni Police SSupt. Ferdinando G. Sevellia, agdama a Deputy Regional Director for Operations ti PRO13 gapu iti “exemplary efficiency, loyalty and unselfish devotion to duty” kas Regional Chief Directorial Staff ti PRO1 iti dandani dua a tawen.

Kabayatanna, tallo nga stakeholders ti napadayawan gapu iti suportada kadagiti plano ken programa ti PRO1.

Karaman kadagiti napadayawan da Andrew M. White, Vice President for Operations/Plant Manager of the Holcim Phils., Inc., La Union Plant; Ryukichi Kawaguchi, President and CEO of San Roque Power Corporation; ken  Federico E. Puno, President and CEO of Team Energy, kas pammigbig iti suportada iti  PRO1 a mangipaneknek iti nasayaat a police-community partnership.

Ti tema ti selebrasion ita a tawen: “Police Regional Office 1: May Serbisyong Pagkukusa, Kaibigan ng Mamamayan at Tagapagtanggol ng Karapatan”.#

Comments are closed.