Footer

P16M napastrek ti Candon City iti BOSS

CANDON CITY – Nasurok a P16 million ti napastrek daytoy siudad iti naisayangkat a Business One Stop Shop (BOSS) idi napan a bulan.

Kinuna ni Mary Jean Abrero, business permits and licensing officer ditoy siudad, nakapastrek ti BOSS iti P15,758,574.26 manipud iti business taxes ken fees ken P977,105.00 manipud iti tricycle franchise fees.

Innayon ni Abrero nga agdagup iti 3,415 dagiti naserbian ti BOSS iti daytoy a tawen ken nangatngato iti sumurok kumurang P2 million ti napastrek ita no maikumpara idi napan a tawen.

Impalgak ni Abrero a ngimmato pay ti bilang dagiti pasdek-negosio a nagpabaro iti lisensiada nga immabut iti 3,014 idinto a 2,177 laeng idi napan a tawen ken ngimmato ti bilang dagiti traysikel nga agdagup iti 1,388 manipud iti bilangda a 1,238 idi 2011.#

Comments are closed.