Footer

P4M rinuk-atan ti DPWH kas pinansial a tulong kadagiti marigrigat nga umili ti Pangasinan

by Venus H. Sarmiento/One-Luzon E-NewsMagazine

DAGUPAN CITY – Agdagup iti P4 million ti rinuk-atan ti Department of Transportation and Communications kas pinansial a tulong para iti medikal a kasapulan dagiti marigrigat nga umili iti Region 1.

Kinuna ni Alaminos City Mayor Hernani Braganza, iggaman ti Region 1 Medical Center (R1MC) ti nasao a gatad.

Kinuna met ni Dr. Roland Joseph Mejia, hepe ti R1MC,  para iti hospitalization costs, medisina ken laboratory examinations ti nasao a pondo, saan laeng a para kadagiti pasiente iti Pangasinan no di pay kadagiti umili manipud sabali a probinsia ken rehion.

Da Braganza ken Mejia ti nangidaulo iti pannakapirma iti memorandum of agreement mainaig iti pannakabusbos iti nasao a pondo.

Kabayatanna, kinuna ni Mejia nga isagsaganadan dagiti papeles a maisubmite iti opisina ti Presidente para iti pannakaipasdek ti maysa a cancer center ditoy kas binalabala ti Department of Health.

Manamnama a mabenepisiaran ti Regions 1, 2, 3 ken Cordillera iti maipasdek a cancer cancer a mapanaganan iti President Corazon Aquino Cancer Center.

Comments are closed.