Footer

Kotse, dimmungpar iti 10-wheeler truck

SANTA, Ilocos Sur – Nadundunor ti maysa a lalaki kalpasan a dinungpar ti luganna ti maysa a 10-wheeler truck iti sanguanan ti tiendaan publiko  ditoy nga ili idi Pebrero 9.

Naitaray ni Nathaniel Hombrebueno y Fernandez, 26, baro, ministro ti Iglesia ni Cristo ken residente iti INC compound iti Rizal Street, Vigan City, iti Central Ilocos Sur District Hospital iti Narvacan, Ilocos Sur  sa naiyalis iti Metro Vigan Cooperative Hospital gapu  kadagiti dunorna.

Nakaro a nadadael ti sungo ti kotsena a Honda Civic idinto a nadadael met ti makannawan a kutit ti 10-wheeler truck a minaneho ni Ronald Mendoza y Cornelio, 38, naasawaan, ken residente iti Barangay Baclig, Cabugao, Ilocos Sur.

Segun iti inbestigasion, madama ti panagkurba ti agpaamianan a truck idi dinungpar ti Honda Civic ti makannawan a paset ti kutit ti lugan.#