Footer

Lalaki a gumatang iti kamera iti internet, naloko

CANDON CITY – Uray iti website, nagbalinen a pagallilawan iti biktima.

Nagpulong iti polis ditoy ni Teddy Arellano, 48, residente iti Mambongan, Rizal a linoko ti maysa a Michael Apostol a nagiposte iti website nga adda lakona a kamera.

Segun iti biktima, nabasana a naiposte iti Sulit.com nga adda lako ni Apostol a Canon 60D camera nga agbalor iti P21,500.00.

Nagkinnaawatan ni Arellano ken ti suspek iti presio ti kamera ket naallukoy a mangideposito ti biktima iti P6,000.00 iti bank account ti maysa a Vanessa Espinosa iti BDO sakbay a maalana ti kamera.

Indeposito ni Arellano ti nasao a gatad ngem awan ti naurayna a kamera.

Nagpa-Candon City ni Arellano tapno personal nga alaenna ti kamera iti Candon Sales Computer Center ngem naduktalanna laengen nga awan daytoy a puesto.

Idi tawaganna ti suspek, dinan makontak daytoy.#

 

Comments are closed.