Footer

Nabara a pannakasaraboda, dinayaw ti bise mayor ti Maui, Hawaii

CABUGAO, Ilocos Sur – Dinayaw ti bise mayor ti Maui, Hawaii ti nabara a pannakasaraboda idi napanda bimmisita iti Sakada Shrine iti Barangay Salomague ditoy nga ili idi Pebrero 9.

Kinuna ni Vice Mayor Keith A. Regan nga iti daytoy nga impakita dagiti agtuturay ken agindeg iti Cabugao, daytoy ti pangrugian a mapabileg ti sisterhood relasionship iti nagbaetan ti Maui County ken ti Cabugao nga idadauluan ni Mayor Edgar “Ediboy” S. Cobangbang.

Kinuna ni Regan nga iti panagtugaw ti dua a gobierno, makapagsisinnukatda kadagiti ideas ken iti maitulong ti Maui County iti Cabugao.

Immuna a nag-courtesy call ti delegasion ti County Council ti Maui ken ni Mayor Cobangbang ken dagiti kameng ti sangguniang bayan ditoy sada nagturong iti Barangay Salomague a nakaipatakderan ti Sakada Shrine.

Naawagan iti Sakada dagiti nagkauna a grupo dagiti Ilokano a napan agtrabaho iti plantasion ti unas iti Hawaii idi ngalay ti 1906.#

 

Comments are closed.