Footer

Paltog, balbala, nakumpiska iti search operation

NARVACAN, Ilocos Sur – Maysa a paltog ken balbala ti nakumpiska dagiti polis iti insayangkatda a panagsukisok iti maysa a balay iti Barangay Lungog ditoy nga ili idi Pebrero 6.

Sinukisok dagiti polis-Narvacan nga indauluan ni PCI Joseph A. Fajardo, Jr., OIC, ti balay ni Teodoro Gasmen y Andallo, 36, naasawaan, ken residente iti Barangay Lungog ditoy met laeng nga ili idi agarup 6:30 ti bigat ti nasao a petsa ket nakasamsamda iti maysa a Smith and Wesson Cal .38 revolver nga awanan iti serial number ken 5 a bala for iti nasao a kalibre ti paltog.

Imet dagiti polis ti search warrant a pinirmaan ni Judge Sixto D. Diompoc ti Regional Trial Court Branch 72, Narvacan, Ilocos Sur idi napanda nagsukisok iti balay ti suspek.

Naipan ni Gasmen agraman dagiti naala iti balayna iti police station para iti umisu a disposision.#