Footer

Permanente a hepe ti ospital, naidagadag a maipuesto

VIGAN CITY – Indagadag ti maysa a kameng ti sangguniang panlalawigan ti pannakaipuesto ti permanente a mangidaulo iti ospital iti Narvacan, Ilocos Sur.

Kinuna ni Bokal Chita Cordero a kasapulan nga adda maipuesto a permanente a hepe ti Central Ilocos Sur District Hospital tapno sumayaat ti serbisio iti salun-at a maipaayna kadagiti umili.

Agpapaay ni Dr. Pablo Quedado nga OIC ti nasao nga ospital, malaksid dagiti annongenna a kas provincial officer health I. Ni pay Quedado ti hepe ti Animal Bite Center ti probinsia.

Kinuna ni Cordero a ti kalidad ti serbisio ti salun-at ket maikumpromiso no awan ti madutokan a permanente a hepe ti Central Ilocos Sur Disatrict Hospital.#