Footer

4 mangngalap a nagkalap iti fish sanctuary, napalab-ogan

SAN ESTEBAN, Ilocos Sur – Inuray dagiti miembro ti Bantay Dagat ken dagiti polis a makasanglad  dagiti uppat a mangngalap a nagkalap iti fish sanctuary idi agarup 7:20 ti rabii ti Pebrero 15 sada tiniliw dagitoy agraman dagiti kinalapda.

Nabigbig dagiti mangngalap a nagkalap iti fish sanctuary a da  Anderson Castro y Santiago, 44, baro, residente iti Barangay Andal: Dante Timoteo y Cadano, 27, naasawaan; Jeffrey Medina y Molina, 23,  baro;   ken Mark Gregor Eligio y Remedios, 17,  baro, agpapada a residente iti Barangay Apatot ditoy nga ili.

Nagresponde dagiti polis kalpasan a nakaawatda iti radio call manipud iti maysa a kameng ti Bantay Dagat nga adda agkalkalap iti fish sanctuary iti nagbaetan ti Barangay Apatot ken Bateria.

Nangiwayat dagiti polis ken dagiti miembro ti Bantay Dagat nga indauluan ni Barangay Captain ti Apatot Nestor Eligio iti entrapment operation a nagresulta iti pannakatiliw dagiti suspek.

Naruk-atan met laeng dagiti suspek kalpasan ti panagmultada.#

 

 

Comments are closed.