Footer

Kapolisan iti Region I, nagmula iti 3,638 a kayo

SAN FERNANDO CITY – Agdagup iti 3,638 nga assorted seedlings ti immula ti Police Regional Office 1 (PRO1) iti nadumaduma a paset ti rehion manipud iti Pebrero 1-4 kas paset ti pannakairusat ti proyekto ti PNP a pannakaimula iti sangapulo a milion a kaykayo iti las-ud ti makatawen.

Naawagan iti “Pulis Makakalikasan: 10 Milyong Puno, Pamana sa Kinabukasan”, naituding iti kapolisan iti rehion ti panagmulada iti innem a kaykayo tunggal bulan manipud iti Pebrero 1, 2012 to Pebrero 28, 2013.

Ti panagmula iti kayo ket kanayonan nga aktibidad iti babaen ti PNP Letter of Instructions (LOI) 42/09: Project TREEs (Towards Reforestation/Rehabilitation of Environment and Ecosystem) a nayisio idi 2009 babaen ti kooperasion ti Department of Agriculture, Department of Agrarian Reform ken Department of Environment and Natural Resources.

Kinuna ni Police Chief Superintendent Franklin Jesus B. Bucayu, PRO1 Regional Director, a maysa a wagas ti Project TREEs a mangprotektar ken mangpreserba iti aglawlaw.

“It exemplifies one of our organizational core values, namely; that of being “makakalikasan,” impaganetget ni Bucayu.

“Project TREEs also supports the hunger mitigation program of the government and the preservation of the ecosystem in keeping with the disaster risk reduction program to address the issue of climate change,” innayon ni Bucayu.

Kabayatanna, impakaammo ni Police Senior Superintendent Reynante G. Partible, hepe ti Regional Police Community Relations Division, ti opisina a kangrunaan a responsible iti implementasion ti proyekto iti Region I, a naimula dagiti sumaganad: 225 (PRO1 Regional Headquarters); 2,768  (Ilocos Norte); 300 (La Union);  ken 420 (Pangasinan).

Inlawlawag ni Partible a nailinia ti Project TREEs iti Executive Order No. 26 ni Presidente Benigno S. Aquino III a mamagkaykaysa amin dagiti greening programs ken initiatibo kadagiti nadumaduma a sektor ti sosiedad iti babaen ti maymaysa a payong a maawagan iti National Greening Program (NGP).

“Umaw-awag ti NGP iti pannakaimula iti 1.5 billion a kaykayo a mangsaklaw iti aganay 1.5 billion ektaria para iti lima a tawen manipud 2011 agingga iti 2016,” kinuna ni Partible.#