Footer

Procession for Life, naisayangkat

VIGAN CITY – Mapattapatta a nasurok a dua a ribu nga estudiante manipud kadagiti nadumaduma a pagadalan ti nangisayangkat iti maysa a ‘procession for life’ idi malem ti Pebrero 14, Aldaw dagiti Puso.

Kangrunaan a panggep ti nasao a prosesion ti pannakaitag-ay ti nangatngato a tukad ti panangimutektek dagiti agtutubo iti kinapateg ti biag, kasta met ti ayat iti relasion.

Malaksid dagiti estudiante, nakipartisipar iti procession  dagiti papadi ken mamadre babaen ti panangidaulo ni Msgr. Gary Noel Formoso, Oeconomus ti Archdiocese of Nueva Segovia.

Kalpasan ti prosesion, naisarunot i Eucharistic Celebration ket nangmisa ni Arsobispo Ernesto Salgado idinto a ni Msgr. David William Antonio, Vicar General ti Archdiocese ti Nueva Segovia, ti nangipaay iti homily.

Iti daytoy a procession,  nagawit dagiti dadduma a partisipante  iti plakard a  nangipeksaanda iti  panangkontrada iti RH Bill a nakapila iti Kongreso.

Maulit ti prayer procession rally inton Pebrero 29.#

Comments are closed.