Footer

2 replika ti paltog, magazine assembly, nakumpiska iti panagsukisok

BANTAY, Ilocos Sur – Dua a replika ti paltog, magasin ken balbala ti nakumpiska dagiti polis iti panagsukisokda iti maysa a balay iti Barangay Bulag Centro ditoy nga ili iti agsapa ti Pebrero 22.

Nakasukain bayat ti panagsukisokda dagiti polis ditoy nga ili babaen ti panangidaulo ni OIC Benedicto Gose Cardenas iti balay ni Cornelio Garcia y Padre, 44, naasawaan, OFW manipud Italy ken residente iti nadakamat a barangay iti mapapati a replika ti paltog nga addaan marking Bruni Mod .92 8mm (made in Italy), maysa a mapapati a replika nga addaan marking   K Mod .92 auto cal 8mm-Italy, 2 magazine assembly para iti cal 88mm ken 3 blangko a bala para 8mm.

Sinaksian da Barangay Captain Hipolito Madriaga ken Barangay Councilman Dominador Pacubas, Jr. ti panagsukisok dagiti polis kas maibatay iti search warrant nga inyisio ni Judge Francisco Ante, Jr. ti Municipal Trial Court in Cities, Vigan City a napetsaan iti Pebrero 18, 2012.#

Comments are closed.