Footer

Babai, nalmes

MAGSINGAL, Ilocos Sur – Maysa a babai ti naireport a nalmes bayat ti panagdidigosda iti kabaybayan ti Barangay Sta. Monica ditoy nga ili idi malem ti Pebrero 19.

Nabigbig ti biktima a ni Teresita Imperio y Costales, 53, ken residente ti nadakamat a barangay. Indeklara ti doktor a nangtaming ken ni Imperio nga awanen ti biagna idi maidanon iti Magsingal District Hospital.

Segun iti report, idi agarup alas 10:00 ti bigat ti nadakamat a petsa, nagturong ti biktima ken dagiti kakabagianna iti nasao a beach.

Mapapati a naiyanud ti biktima ken ti dua nga ubbing a kaduada iti baybay gapu iti napigsa a dalluyon.

Naalaw ni Romy Reintegrado y Tobia, 20, baro ken residente iti nadakamat a barangay, dagiti ubbing ngem nalmesen idi maarayat ti biktima.#