Footer

Plete ti traysikel iti Cabugao, ngimmina

CABUGAO, Ilocos Sur – Impatungpal dagiti agpaspasada iti traysikel ti nanginngina a singir iti plete ditoy nga ili.

Naammuan a P12 ti singir iti plete dagiti agpaspasada a traysikel iti poblasion no maymaysa ti pasahero idinto a P10 ti plete tunggal maysa no nasurok a maysa wenno ad-adu pay.

Inkalintegan ni CISTODA President Dominador Andres nga idi pay la Agosto idi napan a tawen a naaprobaran ti pannakaingato ti plete ti traysikel ngem idi laeng a napan a bulan ti Enero nga impatungpalda.

Kiniddaw ni Andres ti pannakaawat dagiti agluglugan iti situasionda agsipud ta adu kadagiti tricycle drivers ti makipaspasada laeng, kasta met a ngimmato ti presio ti gasolina.#

 

Comments are closed.