Footer

Traysikel, dinungparna bangen iti pagkurbaan, drayber, natay

STA. LUCIA, Ilocos Sur – Natay ti drayber ti traysikel idinto a nasugatan dagiti pasaherona gapu iti panangdungpar ti luganna iti kongkreto a bangen iti pagkurbaan ti kalsada sadiay Barangay Angkileng, ditoy nga ili idi rabii ti Pebrero 19.

Pimmusay ni Jeoffrey Cayabyab idinto a nadundunor dagiti pasaherona a da Geronimo Patria Occasion, 19, baro, ken residente iti Barangay Malacañang, ken Manuel Balubal Lacosta, 21, baro, ken residente iti Barangay Magsaysay, Tagudin.

Mapapati a nadiskalkula ni Cayabyab ti panagkurbana isu a simmiasi iti direksion ti traysikel ket dinungparna ti kongkreto a bangen iti pagkurbaan.

Naitaray dagiti tallo iti Sta. Lucia District Hospital ngem naideklara ni Cayabyab nga awanen ti biagna.

Nakaro ti dadael ti traysikel.#