Footer

Concreting project iti tiendaan, naipatungpal

SAN JUAN, Ilocos Sur – Agdagup iti P2 milion a pondo ti naipan iti pannakakongkreto ti uneg ti tiendaan publiko ditoy.

Kinuna ni Mayor Bernard Sarmiento a naipatungpal ti nasao a pondo kas paset ti agtultuloy a proyekto ti gobierno munisipal a mangpasayaat iti uneg ti tiendaan publiko ditoy nga ili.

Immun-una ngem daytoy, naipasdek ti drainage canal kasta met ti pannakalinong ti dalan a kumamang iti tiendaan.

Naggapu ti pondo ti concreting project iti bingay ti munisipio iti R.A. 7171.

Ti San Juan ti maysa kadagiti ili a dakkel ti mabingbingayna iti excise tax ti tabako gapu iti dakkel a produksionna iti daytoy a produkto.#