Footer

Drayber ti bus, ginudas lallaki riding in tandem

BANTAY, Ilocos Sur – Dead on the spot ti maysa a drayber ti minibus kalpasan ti panang-paltog kenkuana dagiti armado a lallaki a nagkalubbon iti motor-siklo sadiay Barangay Bulag East ditoy nga ili idi malem ti Abril 15.

Dagus a natay ni Eduardo Osalvo y Pescador, 36, naasa-waan, ken residente iti nada-kamat a barangay gapu iti grabe a sugatna iti tengnged ken barukongna.

Naammuan iti panagimbestiga dagiti nagresponde a polis a kagapgapu ti biktima iti basketball court iti plasa ti barangay ket magmagna nga aggawid idi sinurot dagiti suspek a naglugan iti motorsiklo sa pinaltogan ti maysa ti biktima iti sumagmamano a daras a nagsagrapan daytoy iti grabe a sugat iti nadumaduma a paset ti bagina a puon ti dagus a pannakatayna.

Nakarekobre dagiti polis iti innem a kapsula, 3 a buli ken maysa a magasin manipud iti cal .45 a nagkarga iti 6 a bala iti nakapasamakan ti pammaltog.#

Comments are closed.