Footer

Nebulizers, naiwaras

BANTAY, Ilocos Sur – Nagibunong ni Congressman Ryan Luis Singson iti nebulizers kadagiti amin nga ili iti umuna a distrito ti probinsia a pakairamanan daytoy nga ili idi Abril 17.

Kinuna ni Zenaida Pulido, barangay health worker ditoy ken nangibagi iti pederasion dagiti barangay health workers iti probinsia, a dakkel a pagyamananda ti pannakaited dagiti nebulizers agsipud ta kasapulan unay dagiti agnaed iti barangay nangruna dagiti adda sakitna nga angkit ken dagiti aguy-uyek.

Tallo a batches dagiti immawat kadagiti nebulizers a naiwaras iti bigat ken malem iti daytoy nga aldaw babaen kada Cong. Singson. Adda naipakuyog nga agas dagiti nebulizers.

Agdagup amin iti 296 a barangay ti nabenepisiaran iti daytoy a proyekto ni Singson para iti salun-at.#

Comments are closed.